دونیا بە رەنگی پرتەقاڵی رەنگڕێژ بکەن

11/30/2017 9:28:31 AM

دونیا بە رەنگی پرتەقاڵی رەنگڕێژ بکەن

هاوکات لەگەڵ کەمپینی نەتەوە یەکگرتوەکان بە ناونیشانی (دونیا بە رەنگی پرتەقاڵی رەنگڕێژ بکەن، کۆتایی بهێنن بە توندوتیژی بەرامبەر بە ئافرەتان)، 25ى نوڤمبر لە پارکى هەواری شاری سلێمانی، رێکخراوی گەشەپێدانی مەدەنییەتCDO  بە هاوبەشى UNFPA و گروپى بەرەنگاربوونەوەى توندوتیى لەسەر بنەماى ڕەگەز و ئاژانسى نەتەوە یەکگرتووەکان و  ڕێکخراوەکانى کۆمەڵگەى مەدەنى و داکۆکیکار لە مافەکانى ژنان و گروپى ژیان  ، مەراسیمی 25ی نۆڤەمبەر رۆژی جیهانی بەرەنگاربونەوەی توندوتیژی بەرامبەر بە ئافرەتان، چالاکییەکانیان دەستيپێکرد. 

سەرەتاى مەراسیمەکە بە میوزیک و خوێندنەوەى هۆنراوە دەستى پێکرد ، پاشان ئاڵا کمال ووتارى گروپى ژیانى پێشکەشکرد ، پاشان حاکم هۆشیار نوێنەرى پارێزگاى سلێمانى ووتەیەکى پێشکەشکرد و داوایکرد کە ڕێکخراوەکانى ژنان هەماهەنگبن لەکارکردن لەگەڵیان بۆ کەمکردنەوەى توندوتیژى بەرامبەر ژنان .

هەر لە مەراسیمەکەدا  عمر گوڵپى ، بەڕێوەبەرى گشتى بەڕێوەبەرایەتى چاودێرى و گەشەپێدانى کۆمەڵایەتى ووتەیەکى پێکەشکرد و ئاماژەى بەوەکرد کە ئامارەکانى توندوتیژى لەچاو سالچى پاردا زیادىکردووە  و ووتى " بە داخەوە ساڵى پار دا سەد و حەفتاو هەشت ژن روویانکردبووە ماڵى داڵدەدانى ژنان ، بەڵام لە یازە مانگى ڕابردوودا دووسەد و سى و سێ ژنا ڕویانکردۆتە ماڵى داڵدەدانى ژنان کە پەنجایان لە خوار تەمەنى هەژدەساڵدان".

هەروەها لەژێر دروشمى" مەمدەن بەشوو با منداڵیم بژیم " شانۆگەرییەک پێشکەشکرا .  

 سەرکەوت عمر ، بەڕێوەبەرى بەڕیوەبەرایەتى بەرەنگاربوونەوەى توندوتیژى دژى ژنان لە وتەیەکدا بەهەمان شێوە ئاماژەىکرد کە ئامارەکانى توندوتیژى ڕوو لە زیادبوونە و وتى "ئامارەکان لە دە مانگى ڕابردوودا نگەیشتۆتە هەزار و نۆسەد و بیست و سێ حاڵەتى جۆراوجۆر کە ئێمە بەدواداچوونمان بۆ ئەم کەیسانەکردووە و هەندێکیان لەژێر لێکۆڵینەوەدان و هەندێکیان هەواڵەبوون بۆ دادگا".

لە کۆتایدا بە گۆرانى و میوزیک لەلایەن منداڵانەوە  کۆتایى بە مەراسیمەکە هێنرا .

لە جیهانی ئەمڕۆدا توندوتیژی دژ بە ژنان و کچان زۆرترینی ئەو پێشێلکاریانەن کە ئەنجام دەدرێت و جیاکاری لە نێوان دوو رەگەزەکە بەردەوامە.
بۆ ئەمەش نەتەوە یەکگرتوەکان داوای چالاکی فراوانتر دەکات بە ئامانجی چەسپاندنی یەکسانی لە چواچێوەی یاساداو بەرەنگاربونەوەی ئەو جیارکارییەی کە لە ئەنجامی جۆری کۆمەڵایەتی (جێندەر) ئەنجامدەدرێن.

ئەمساڵ نەتەوە یەکگرتوەکان لە ژێر دروشمی (دونیا بە رەنگی پرتەقاڵی رەنگڕێژ بکەن، کۆتاییبهێنن بە توندوتیژی بەرامبەر بە ئافرەتان) چالاکییەکانی دەستپێکرد.


© Copyright 2016, All Rights Reserved

Developed by Avesta Group and powered by Microsoft Azur