گردبوونەوەى ناڕەزایى دژى هەمووارکردنەوەى یاسایى بارى کەسێتى عیراق

11/12/2017 11:25:24 AM

گردبوونەوەى ناڕەزایى دژى هەمووارکردنەوەى یاسایى بارى کەسێتى عیراق
نیوەڕۆى ئەمڕۆ 12ى تشرینى دووەم ڕێکخراوى گەشەپێدانى مەدەنیەت بە هاوبەشى سەنتەرى میترۆ و بە بەشدارى سى و چوار ڕێکخراوى پارێزگاى سلیمانى گردبوونەوەیەکى ناڕەزاییان رێکخست
گردبوونەوەکە سەبارەت بەو پرۆژە یاسایەبوو کە هەندێک لیستى ناو پەرلەمانى عیراق هەولى دەرکردنى یاساى تایەفەگەرى دەدەن کە پێشێلکردنى مافەکانى مرۆڤ و مافى منداڵانە ، کە ئەمە دەقى یاداشتنامەکەیە:
یاداشتنامە
بۆ بەڕێز سەرۆک کۆماری عێراق فوائد معێوم
بۆ بەڕێزان ئەندامانى ئەنجومەنی نوێنەرانی عێراق
بۆ بەڕیزان لە لیژنەى ژنانى ئەنجومەنى نوێنەرانى عێراق
بۆ بەڕێز سەرۆکی ئەنجومەنی وەزیرانی عێراق حەیدەر عەبادی


ئێمە رێکخراوەکانی کۆمەڵی مەدەنی لە شارى سلێمانى بە توندى ئیدانەى هەموارکردنەوەى پرۆژە یاسای باری کەسێتی عێراق دەکەین کە لە دانیشتنى سیبتمبرى 2017 مبدڕیا ڕەزامەندى لەسەردرا لە بەرنامەى پەرلەمانى عیراق بمێنێتەوە.
بەرزکردنەوەی ئەم یاداشتی نارەزایەتییە لە کاتێکدایە کە هەندێ لیستی ناو پەرلەمانی عێراق هەوڵی دەرکردنی یاسای تایفەگەری دەدەن کە پێشێلکردنى مافەکانى مرۆڤ و مافى منداڵانە ، کە پرنسیپەکانی یەکسانی بەرامبەر یاسا کە لە ماددەى 14ى دەستور عێراقیدا هەن، ناچەسپێنێت.
ئامادەبوانی گربونەوەکە پشتیوانی تەواوی خۆیان بۆ ژنان و کچان و هێزە دیموکرات و مەدەنییەکان ئەوانەی داوای یەکسانی و عەدالەت و ئازادییەکان دەکەن و دژ بە دەرکردنی ئەو یاسایانە دەوەستنەوە کە لە بواری یاسادانان عێراق دەباتەوە ریزی وڵاتە دواکەوتووەکان.
بەڕێزان:
ئەم رێکخراوانە ئەو پرۆژەیەى کە تاوانی (هاوسەرگیری لە دەرەوەی دادگا )دەکات بە یاسا، رەتدەکەنەوە ، هەروەها پرۆژەکە پشت دەبەستێت بە جۆرێک لەشێوازی پەیوەندی کە کۆمەڵگا رەتیدەکاتەوە، سەرباری ئەوەی کە یەکسانی نێوان عێراقییەکان فەراهەم ناکات و مادەی (5) ی دەستور تایبەت بە سەروەری یاسا پەکدەخات.
ئەم پرۆژە تازەیە بۆ هەموارکردنی یاسای باری کەسێتی عێراق، دەسەڵات دەدات بە پیاوانی ئاینی بۆ بەستنی گریبەستی هاوسەرگیری نایاسایی وەک ناچارکردنی کیژۆڵەی تەمەن خوار 18 ساڵ و ژنان ناچاردەکات کە لەگەڵ ماڵی خەزوراندا بژین، ئەمەش نسکۆیە بۆ دەسکەوتەکانی ژنانی عێراق کە بەر لە نیو سەدە بە خەباتیان بۆ کردوە.
ئەندامانی ئەنجومەنی نوێنەرانی دەکەونە ژێر باری بەرپرسیارێتییەکی ئەخلاقی و مێژویی گەر هاتوو ئەم پرۆژەیە بکەنە یاسا، نەوەکانی ئایندە کە ئەم پرۆژە یاسایە غەدرییان لێدەکات وێنەى خەجاڵەتکاری ئەو پەرلەمانتارانەی یاد ناچێتەوە.
سلێمانی، 12ی تشرینی دووەمى 2017
وابڕیارە سبەى یاداشتنامەکە بە واژۆى سەرجەم ڕێکخراوە بەشداربووەکان بگەیەنرێتە نوسینگەى پەلەمانى عیراق .


© Copyright 2016, All Rights Reserved

Developed by Avesta Group and powered by Microsoft Azur