نەتەوەکان لە باخچەی CDO کۆبونەوە

3/29/2017 11:40:03 AM

نەتەوەکان لە باخچەی CDO کۆبونەوە
"ئەو کاتە جەژنە کە هەموومان پێکەوەین"

ڕێکخراوى گەشەپێدانى مەدەنیەت – CDO  لەژێر دروشمى "ئەو کاتە جەژنە کە هەموومان پێکەوەین"، ئاهەنگى نەورۆزى بۆ ئاوارەو پەنابەران رێکخست و نەتەوەو پێکهاتە جیاوازەکان بە نمایشی جلو بەرگ و سەمای فۆلکلۆری خۆیان ئاهەنگەکەیان رازاندەوە.
 
بەبۆنەى هاتنى وەرزى بەهارو جەژنى نەورۆز بەمەبەستى پتەوکردنى پەیوەندى کۆمەڵایەتى لە نێوان پەنابەرانى ڕۆژئاواى کوردستان و پەنابەرانى ڕۆژهەڵاتى کوردستان و ئاوارەکانى ناوخۆی عێراق و سوریا ڕێکخراوى CDO  بە هاوبەشى ئاژانسى UNHCR ئێوارە ئاهەنگێکى لە باخچەی رێکخراو لە شارى سلێمانى بۆ ئاوارەو پەنابەران رێکخست.

لەو ئاهەنگەدا بەختیار احمد ،  بەڕێوەبەرى گشتى ڕێکخراوى CDO ووتى "مەبەستمان لەسازکردنى ئەم ئاهەنگە کۆکردنەوەى ئاوارەکان و پەنابەرانى ڕۆژئاوا و ڕۆژهەڵات لەگەڵ کوردانى هەرێم تاکو پەیوەندیەکان  پتەوتر و باشتر بن لە ڕووى کۆمەڵایەتیەوە هەروەها ببنە نمونەىەک بۆ پیچکەوە ژیان لە هەرێمى کوردستان ".

ئەو ئێوارەیە چەندین چالاکى جۆراوجۆر ئەنجامدرا لەوانەش هەڵپەرکێى هەرچوار پارچەى کوردستان و هەڵپەرکێى عەرەبى و چەند پارچە میوزیک و گۆرانیەک پێشکەشکرا بە ئامادەبووان لەلایەن ئاوارەو پەنابەرانەوە.

لە بەشێکى ترى ئاهەنگەکەدا بۆ ناساندنى جل و بەرگى فلکلۆرى نەتەوەکان، جل و بەرگى هەرچوار پارچەى کوردستان نمایشى کرا.
هەر لە ئاهەنگەکەدا یەکێتى کەم ئەندامانى کوردستان و ژنانى پەنابەر و ژنانى ئاوارە و ڕێکخراوى منداڵپارێز و ڕێکخراوى ئاسودە  بە نمایشى کارى دەستى  بەشداریان کرد.
کەناڵەکانی میدیا لە هەرێمی کوردستان، هەندێکیان روماڵی راستەوخۆو هەندێکی تریش راپۆرتیان لەسەر ئەو چالاکیە ئەنجامدا، هەروەها پێشانگایەکى فۆتۆگرافى بۆ گەنجێکى پەنابەرى ڕۆژئاوا کرایەوە.


© Copyright 2016, All Rights Reserved

Developed by Avesta Group and powered by Microsoft Azur