ڕێکخراوى CDO لە 8ى مارسدا تەنها لە شارى سلێمانى نەمایەوە یه‌که‌مین ڕێکخراو بوو چالاکییەکانى بردە کەمپى ئەڵوەن لە خانەقین و جەلەولا

3/12/2017 8:48:49 AM

...ڕێکخراوى CDO  لە 8ى مارسدا تەنها لە شارى سلێمانى نەمایەوە یه‌که‌مین ڕێکخراو بوو چالاکییەکانى بردە کەمپى ئەڵوەن لە خانەقین و جەلەولا 

ڕێکخراوى گەشەپێدانى مەدەنیەت -CDO بە هاوبەشى UNFPA  بەبۆنەى  8ى مارس ڕۆژى جیهانى ژنان بۆ بەرز ڕاگرتنى ئەو یادە چەندین چالاکى جۆرا و جۆرى لە ناوچە جیاوازەکان ئەنجامدا.

دەستپێکى چالاکییەکانى ڕۆژى جیهانى ژنان لە پارکى هەوارى شار لە  شارى سلێمانی دەستى پێکرد بە ئامادەبوونى زۆرێک لە ڕێکخراوەکان و پەرلەمانتاران و گروپى توندوتیژى لەسەر بنەماى رەگەز ، بەرێوەبەرایەتى چاودێریى کۆمەڵایەتى و بەرێوەبەرایەتى بەدواداچوونى توندوتیژى دژى ژنان و ئەنجومەنى خانمان.
چالاکییەکانى کە  ڕێکخراوى CDO  ئەنجامیدا لە پارکى هەوارى شار کردنەوەى پێشانگایەکى کارى دەستى بۆ ژنانى ئاوارە و پەنابەر  بوو ، گێڕانەوەى چیرۆکى سەرکەوتنى دوو ژنى ئاوارە لە زارى خۆیانەوە.
بەخشینى بڕوانامەى رێزلێنان لەلایەن CDO و UNFPA بۆ ژنە سەرکەوتووەکان و لایەنە حکومییە پەیوەندیدارەکانى وەک ئەنجومەنى خانمان، بەرێوەبەرایەتى توندو تیژى، بەرێوەبەرایەتى چاودێریى کۆمەڵایەتى، شێلتەرى داڵدەدانى ژنان و پەیامنێرى چەند کەناڵێکى راگەیاندن.
پێشکەشکردنى چەند بڕگەیەکى هونەرى  گۆرانى و چەند پارچە شیعرێک وە دابەشکردنى گوڵ کە لەلایەن ژنە ئاوارەیەکى سوودمەندى پرۆژەى CDO و UNFPA وە دروستکرابوون وەک دیارى بۆ ئامادەبووان.

ڕێکخراوى CDO  لە یادى 8ى مارسدا تەنها لە شارى سلێمانى نەمایەوە یه‌که‌مین ڕێکخراو بوو چالاکییەکانى بردە کەمپى ئەڵوەن لە خانەقین و جەلەولا چەندین چالاکى لە کەمپى ئەڵوەن و جەلەولا پێشکەش بە ژنان و کچانى ئەو ناوچەیە کرد.
له‌ مه‌راسیمێكی تایبه‌ت به‌ 8ی مارسدا کورتەیەک لەسەرئه‌و یاده‌ لەلایەن بەرێوەبەرى پرۆژەى  CDOو توێژەرى کۆمەڵایەتى پیشکه‌ش به‌ ئاماده‌بووان کرا و وتەى پاڵپشتى لەلایەن بەرێوەبەرى کەمپ و رێکخراوى YAO وە  به‌ هه‌مان شێوه‌ پێشانگایه‌کی کاری دەستى لەلایەن ژنانى ئاوارە و پەنابەر کرایەوە .

گێڕانەوەى سێ چیرۆکى سەرکەوتنى ژنانى ئاوارە و ناشتنى نەمام لەلایەن ژنانى ئاوارە بەهاوبەشى لەگەڵ پیاوان بۆ جوانکردنى سەنتەرى سەلام بۆ ژنانى ئاوارە.
دابەشکردنى گوڵ کە دروست کرابوو لەلایەن ژنە ئاوارەیەکى سوودمەندى پرۆژەى  UNFPAو CDO وەک دیارى بۆ ئامادەبووان.

هەروەها لە جەلەولا بە ئامادەبوونى بەرێوەبەرى ناحیەو ئەنجومەنى شارەوانى و ناوەندى گەنجان و ژنان لە سەنتەرى نێرگز چالاکییەکان بەڕێوە چوون کە بریتى بوون لە پێشکەشکردنى کورتەیەک لەسەر 8ى مارس لەلایەن بەرێوەبەرى پرۆژەى  CDOو توێژەرى کۆمەڵایەتى. 
پاشان گێڕانەوەى چیرۆکى سەرکەوتووى ژنان و رادەى سوودبینینیان لە سه‌نتەرى (نێرگز) کە لەلایەن UNFPA و CDO لەمانگى شوباتى ئەمساڵدا کراوەتەوە .
وتەى پاڵپشتى لەلایەن بەرێوەبەرى ناحیەو ئەنجومەنى شارەوانى و ناوەندى گەنجان و ژنان و لە کۆتایشدا  دابەشکردنى گوڵ  بەسەر ئامادەبوواندا کە لەلایەن ژنە ئاوارەیەکى سوودمەندى پرۆژەى UNFPA- CDO دروستکرابوو.


© Copyright 2016, All Rights Reserved

Developed by Avesta Group and powered by Microsoft Azur